ನಗಾರಿ ರೆಕಮಂಡೇಶನ್ಸ್ 19 – ಟೂನಂಗಡಿ

ಹೌದು, ಇವು ನಗೆ ನಗಾರಿಯ ಶಿಫಾರಸ್ಸುಗಳು. ಅಂತರ್ಜಾಲದ ಅಂಗಳದಲ್ಲಿ ನೀವು ನೋಡಲೇ ಬೇಕಾದ ಹಾಸ್ಯದ ಬುಗ್ಗೆಗಳು. ಪ್ರತಿ ಸಂಚಿಕೆಯಲ್ಲೂ ಒಂದೊಂದು ಚಿಲುಮೆಯೆಡೆಗೆ ಕರೆದೊಯ್ಯುವ ಕೆಲಸ ಮಾಡಲಿದ್ದಾರೆ ನಗೆ ಸಾಮ್ರಾಟ್.

…………………………………….

ರೇಖೆಗಳ ಮೂಲಕ ಮಾತನಾಡುವ ಕಾರ್ಟೂನಿಸ್ಟುಗಳ ಖದರೇ ಬೇರೆ. ಒಂದೇ ಕ್ಷಣದಲ್ಲಿ ಓದುಗನ ಗಮನವನ್ನು ಸೆಳೆದು ಹೇಳಬೇಕಾದುದನ್ನೆಲ್ಲಾ ಹೇಳಿ ಮುಗಿಸಿಬಿಡುವ ಕಾರ್ಟೂ‘ನಿಷ್ಟ’ರ ಕೌಶಲ ನಿಜಕ್ಕೂ ಅದ್ಭುತ. ದಿನಪತ್ರಿಕೆಯೊಂದರಲ್ಲಿ ಸಂಪಾದಕ ಕೂಡ ತನ್ನ ಕೊರೆತ ಶುರುಹಚ್ಚಲು ಓದುಗನ ಅನುಮತಿ ಪಡೆಯಲು ಕಾದು ಮಧ್ಯದ ಪುಟದಲ್ಲಿ ವಿರಮಿರಿಸಬೇಕು, ಖ್ಯಾತ, ಪ್ರಖ್ಯಾತ ಅಂಕಣಕಾರರೂ ಕ್ಯೂನಲ್ಲಿ ಮೌನವಾಗಿ ನಿಂತಿರಬೇಕು. ಪ್ರಚಂಡ ಕವಿಯೂ ಸಹ ತನ್ನ ಸರದಿ ಬರುವವರೆಗೂ ಕಾಲ ಕ್ಷೇಪಮಾಡುತ್ತಿರಬೇಕು. ಓದುಗನ ಮೊದಲ ಪ್ರೀತಿ ಎಂದಿಗೂ ಪುಟ್ಟದಾದ ಆದರೆ ಹರಿತವಾದ ಪಾಕೆಟ್ ಕಾರ್ಟೂನುಗಳ ಮೇಲೆ. ಇಡೀ ಸಂಪಾದಕೀಯವೊಂದು ಮಾಡದ ಪರಿಣಾಮವನ್ನು ಈ ಹತ್ತಾರು ಓರೆ ಕೋರೆ ಗೆರೆಗಳು ಮಾಡಿಮುಗಿಸುತ್ತವೆಂದರೆ ಇದಕ್ಕಿಂತ ವಿಸ್ಮಯ ಬೇರೆಲ್ಲಿದೆ?

ಅಮೃತ್.ವಿ ಎನ್ನುವವರು ಹಲವು ಪಾಕೆಟ್ ಕಾರ್ಟೂನುಗಳನ್ನು ಬರೆದಿದ್ದಾರೆ. ಅವನ್ನು ತಮ್ಮ ಬ್ಲಾಗಿಗೂ ಹಾಕಿದ್ದಾರೆ. ಅದಕ್ಕೆ ಅಚ್ಚುಕಟ್ಟಾಗಿ ‘ಟೂನಂಗಡಿ’ ಎಂದು ನಾಮಕರಣ ಮಾಡಿದ್ದಾರೆ.

ಇದು ಈ ಸಂಚಿಕೆಯ ನಗಾರಿ ರೆಕಮಂಡೇಶನ್!

ಅವರ ಗೆರೆಗಳ ಜಾದೂವಿನ ಕೆಲವು ಸ್ಯಾಂಪಲ್ ಇಲ್ಲಿವೆ:

 

ನಗಾರಿ ರೆಕಮಂಡೇಶನ್ 18 – have a chuckle

ಹೌದು, ಇವು ನಗೆ ನಗಾರಿಯ ಶಿಫಾರಸ್ಸುಗಳು. ಅಂತರ್ಜಾಲದ ಅಂಗಳದಲ್ಲಿ ನೀವು ನೋಡಲೇ ಬೇಕಾದ ಹಾಸ್ಯದ ಬುಗ್ಗೆಗಳು. ಪ್ರತಿ ಸಂಚಿಕೆಯಲ್ಲೂ ಒಂದೊಂದು ಚಿಲುಮೆಯೆಡೆಗೆ ಕರೆದೊಯ್ಯುವ ಕೆಲಸ ಮಾಡಲಿದ್ದಾರೆ ನಗೆ ಸಾಮ್ರಾಟ್.

…………………………………….

 

‘ಒಳ್ಳೆಯದು ಯಾವ ದಿಕ್ಕಿನಿಂದ ಬಂದರೂ ನಿನ್ನ ಮನಸ್ಸನ್ನು ತೆರೆದು ಸ್ವೀಕರಿಸು’ ಎಂದಿದ್ದಾರೆ ನಮ್ಮ ಹಿರಿಯರು. ಹಾಗೆಯೇ ಖುಶಿಯಾಗಿರುವುದಕ್ಕೆ, ನಗುನಗುತ್ತಿರುವುದಕ್ಕೆ ಅವಕಾಶ ಎಲ್ಲಿಂದ ಸಿಕ್ಕರೂ ನಾವದನ್ನು ಮುಕ್ತವಾಗಿ ಸ್ವಾಗತಿಸಬೇಕು. ದಿನ ಪತ್ರಿಕೆಗಳಲ್ಲಿ, ಮ್ಯಾಗಝೀನುಗಳಲ್ಲಿ, ಎಸೆಮ್ಮೆಸ್ಸುಗಳಲ್ಲಿ ತಿರುಗಿ ತಿರುಗಿ ದಣಿಸು ಬಸವಳಿದ ಜೋಕುಗಳಿಗೆ ಸ್ವಲ್ಪ ಕಾಲ ರೆಸ್ಟ್ ಕೊಟ್ಟು ಒಂದಷ್ಟು ಹೊಸ ಬಗೆಯ, ಎಲ್ಲೂ ಕೇಳಿರದ(ಹಾಗೆ ಭಾವಿಸಬಹುದಾದ) ಜೋಕುಗಳನ್ನು ಓದುವುದಕ್ಕೆ ಇಲ್ಲೊಂದು ಬ್ಲಾಗಿದೆ.

ದಿನಕ್ಕೊಂದು ಜೋಕು ಎನ್ನುವ ಈ ಬ್ಲಾಗ್ ಸ್ಪಾಟಿಗೆ ಭೇಟಿಯಿತ್ತರೆ ಪ್ರತಿದಿನವನ್ನು ನಗುವಿನೊಂದಿಗೆ ಶುರು ಮಾಡಬಹುದು ಎನ್ನುತ್ತಾರೆ ಇದರ ಮಾಲೀಕರು. ಇದರಲ್ಲಿನ ಜೋಕುಗಳ ಸ್ಯಾಂಪಲ್ ಒಂದನ್ನು ಇಲ್ಲಿ ಕೊಟ್ಟಿದ್ದೇವೆ.

A husband and wife were at a party chatting with some friends when the subject of marriage counseling came up.

"Oh, we’ll never need that. My wife and I have a great relationship," the husband explained. "She was a communications major in college and I majored in theatre arts."

He continued, "She communicates well and I act like I’m listening."

ಇದು ಈ ಸಂಚಿಕೆಯ ನಗಾರಿ ರೆಕಮಂಡೇಶನ್!

ನಗಾರಿ ರೆಕಮಂಡೇಶನ್ 8

ಹೌದು, ಇದು ನಗೆ ನಗಾರಿಯ ಶಿಫಾರಸ್ಸುಗಳು. ಅಂತರ್ಜಾಲದ ಅಂಗಳದಲ್ಲಿ ನೀವು ನೋಡಲೇ ಬೇಕಾದ ಹಾಸ್ಯದ ಬುಗ್ಗೆಗಳು. ವಾರ ವಾರವೂ ಒಂದೊಂದು ಚಿಲುಮೆಯೆಡೆಗೆ ಕರೆದೊಯ್ಯುವ ಕೆಲಸ ಮಾಡಲಿದ್ದಾರೆ ನಗೆ ಸಾಮ್ರಾಟ್.

………………………………………………………………….

ನಮ್ಮ ಸಾರ್ವಜನಿಕ ವೇದಿಕೆಗಳಲ್ಲಿನ ಹಲವಾರು ಚಟುವಟಿಕೆಗಳು ಅವೆಷ್ಟು ಔಪಚಾರಿಕವಾಗಿಬಿಟ್ಟಿವೆ ಎಂದು ಆಲೋಚಿಸಿದರೆ ಆಶ್ಚರ್ಯವಾಗುತ್ತದೆ. ವೈಯಕ್ತಿಕವಾದ ಭಾವನೆ, ಲಹರಿಗಳನ್ನೆಲ್ಲಾ ಮರೆತು ಇಡೀ ಗುಂಪು ಒಂದೇ ಭಾವವನ್ನು ಧರಿಸುವಂತೆ ಪ್ರೇರೇಪಿಸುವ ಈ ಔಪಚಾರಿಕ ಸಂಗತಿಗಳು ನಿಜಕ್ಕೂ ನಮ್ಮನ್ನು ನಯವಂಚಕರನ್ನಾಗಿಸಿಬಿಡುತ್ತವೆ.

ಇಷ್ಟು ಪೀಠಿಕೆ ಹಾಕಿ ತಲೆ ಕೆಡಿಸಲು ಕಾರಣವಾದದ್ದು ಒಂದು ಸಣ್ಣ ವಿಡಿಯೋ ತುಣುಕು. ಅಮೇರಿಕಾದ ಮಾಜಿ ಅಧ್ಯಕ್ಷ ಬಿಲ್ ಕ್ಲಿಂಟನ್ ರಾನ್ ಬ್ರೌನ್ ಎನ್ನುವವನ ಅಂತಿಮ ಸಂಸ್ಕಾರಕ್ಕೆ ಹೋಗುವಾಗ ತನ್ನ ಸಹಾಯಕನೊಂದಿಗೆ ಜೋಕನ್ನು ಮುರಿಯುತ್ತಾ ನಗುತ್ತಾ ಹೋಗುತ್ತಿರುತ್ತಾನೆ. ಯಾವಾಗ ಮಾಧ್ಯಮದ ವಿಡಿಯೋ ತನ್ನನ್ನು ಸೆರೆಹಿಡಿಯುತ್ತಿದೆ ಎಂಬುದನ್ನು ಅರಿಯುತ್ತಾನೋ ಆಗ ಕ್ಲಿಂಟನ್ ಗಂಭೀರ ವದನನಾಗಿಬಿಡುತ್ತಾನೆ. ಒಮ್ಮೆಗೇ ಜಗತ್ತಿನ ದುಃಖ ಆತನ ಮುಖದಲ್ಲಿ ಮಡುಗಟ್ಟಿಬಿಡುತ್ತದೆ. ಕ್ಷಣಾರ್ಧದಲ್ಲಿ ಕಣ್ಣೀರೂ ಚಿಮ್ಮಿಬಿಡುತ್ತದೆ. ಪಾಪ ಇದ್ಯಾವುದರ ಪರಿವೆ ಇಲ್ಲದ ಕ್ಲಿಂಟನ್‌ನ ಸಹಾಯಕ ಮುರಿದ ಜೋಕಿನ ಲಹರಿಯಲ್ಲೇ ನಗುತ್ತಾ ಬರುತ್ತಿರುತ್ತಾನೆ. ಒಮ್ಮೆ ಈ ವಿಡಿಯೋ ತುಣುಕು ನೋಡಿ, ನಿಮಗೂ ನಗು ಬರದಿದ್ದರೆ ಕೇಳಿ…