‘ಚಿತ್ರ’ಗುಪ್ತ ಸ್ಪರ್ಧೆ

ನಗೆ ನಗಾರಿಯ ಹುಟ್ಟು ಹಬ್ಬದ ಸಂಭ್ರಮಕ್ಕೆ ನಿನ್ನೆ ತಿಳಿಸಿದ ಹಾಗೆ ಕಾರ್ಯಕ್ರಮಗಳ ಆಯೋಜನೆ ಶುರುವಾಗಿದೆ.

ಮೊದಲ ಹಂತವಾಗಿ ‘ಚಿತ್ರ ಗುಪ್ತ’ ಸ್ಪರ್ಧೆಯನ್ನು ನಡೆಸಲು ತೀರ್ಮಾನಿಸುತ್ತಿದ್ದೇವೆ. ಇಲ್ಲಿ ಕೊಟ್ಟಿರುವ ಚಿತ್ರಕ್ಕೆ ಅತ್ಯಂತ ಮೊನಚಾದ, ಹಾಸ್ಯಯುಕ್ತವಾದ, ವ್ಯಂಗ್ಯೋಕ್ತಿಯೊಂದನ್ನು ನೀಡಬೇಕು. ನಿಮ್ಮ ಸಾಲು ಆದಷ್ಟು ಚಿಕ್ಕದಿರಲಿ, ಚಿಕ್ಕದಾಗಿರಲಿ.

ನಮ್ಮ ಹೆಸರಾಂತ ಅನಾಮಧೇಯ ತೀರ್ಪುಗಾರರು ನಿಮ್ಮ ಸಾಲುಗಳನ್ನು ಡಿಸೆಕ್ಟ್ ಮಾಡಲು ಸಿದ್ಧರಾಗಿ ನಿಂತಿದ್ದಾರೆ.

ನಿಮ್ಮ ಚಾಟೋಕ್ತಿಗಳನ್ನು ಈ ಬರಹಕ್ಕೆ ಕಮೆಂಟ್ ಹಾಕುವುದರ ಮೂಲಕ ತಿಳಿಸಬಹುದು. ಕಮೆಂಟು ಯಾವ ಹೆಸರಲ್ಲಾದರೂ ಬರೆಯಿರಿ ಆದರೆ ಸಂಪರ್ಕಕ್ಕಾಗಿ ನಿಮ್ಮ ಇಮೇಲ್ ವಿಳಾಸವನ್ನು nagesamrat@gmail.com ಗೆ ಕಳುಹಿಸಿದರೆ ಚೆನ್ನ. ಜನವರಿ ಇಪ್ಪತ್ತೈದರವರೆಗೆ ಸಮಯ ಉಂಟು… 🙂

– ನಗೆ ಸಾಮ್ರಾಟ್

ಇದುವರೆಗಿನ ಚಾಟೊಕ್ತಿಗಳು ಹಾಗು ಚಾಟಿ ಚತುರರು!

ಇನ್ಮೇಲೆ ಮಕ್ಕಳ ದಿನಾಚರಣೆಗೆ ಚಾಕ್ಲೇಟ್ ಬದಲು ಸಿಗರೇಟು ಬೆಂಕಿಪೊಟ್ಟಣಾನೇ ಕೊಡಬಹುದೇನೋಪ….

– ನವಿಲುಗರಿ ಸೋಮು

ಸ್ಮೋಕಿಂಗ್ ಈಸ್ ನಾಟ್ ಬ್ಯಾಡ್ ಅಂತ advertisement ಕೊಡಬಹುದು ಈ ಪಿಕ್ಚರ್ ಹಾಕಿ..

-ನಾಗರಾಜ್ ದೇವರಮನಿ

ಜವಾಹರ್ ಲಾಲ್ ಮೋಜುಗಾರ ಯೋಜನೆ

ಸುಟ್ಟಾ ಬಾಯೊಳಗಿರಲು ಪಟ್ಟದಲಿ ಕೂತಿರಲು
ಮೌಂಟ ಬ್ಯಾಟನನ ಪತ್ನಿ ಬದಿಗಿರಲು
ಸಿಗರೇಟಿಗೆ ಕಿಚ್ಚು ಹಚ್ಚೆಂದ -ಜವಾಹರ

-ಸುಮಂತ್ ಶಾನಭಾಗ್.ವಿ

”ಹಚ್ಚಿಕೊಳ್ಳಮ್ಮಬೇಗ ಗಾಂಧೀಜಿ ಬಂದ್ರೆ ನಮ್ಮನ್ನ ಸುಟ್ಟಾಕ್ತಾರೆ. ಆ ಸ್ವಾಮಿ ಸಿಗರೇಟ್ ಕಂಡ್ರೆ ಉರಿತಾರೆ.”

– ಸುಂದರ ನಾಡು

ಮೋಡಗಳು ತೇಲುತಿವೆ ಆಕಾಶದಲ್ಲಿ,
ಕನಸಿನಲ್ಲಿ ಮುಳುಗಿದೆ ಲೊಕವಿಡೀ,
ದೇಶಕ್ಕೋ ಸ್ವಾತಂತ್ರ್ಯದ ಹುಚ್ಚು,
ಗಾಂಧೀಜಿಗೆ ಉಪವಾಸ ಅಚ್ಚುಮೆಚ್ಚು,
ನೀ ತಲೆಕೆಡಿಸಿಕೊಳ್ಳಬೇಡ, ಸಿಮೋನ್ ಳ ಸಿಗರೇಟಿಗೆ ಬೆಂಕಿ ಹಚ್ಚು!!!

-ಹೇಮಾ ಪವಾರ್

“ಜನರಿಗೆ ಯಾವುದು ಒಳ್ಳೆಯದು ಯಾವುದು ಕೆಟ್ಟದ್ದು ಅಂತ ನಾವು ನಿರ್ಧಾರ ಮಾಡಬೇಕಿದೆ. ಒಂದು ಕೈ ನೋಡಿಬಿಡೋಣ, ಅಲ್ವೇ ????”

–ಪ್ರಸಾದ್

ಸಿಗರೇಟ್ ಸೇದಲು ಆಸೆಯೆ ನಿನಗೆ
ಕಲಿಸುವೆ ನಾನು ಬಾ ಬಳಿಗೆ.

ಕಲಿಸುವ Coach ನಾನಿರಲು ಸಂಕೋಚವ ಬಿಡು ನೀನು
ಹ್ನಾ ಸೇದು, ಏನಾಗದು ನೋಡು ಜೊತೆ ಇರುವೆನು ನಾನು.

– ಕೆ.ಎ.ಭಟ್

(………ಬೇಗನೇ ನಿಮ್ಮ ಚಾಟೋಕ್ತಿ ಒಗಾಯಿಸಿ… ಕಾಲ ಕಳೆದ ಮೇಲೆ ಪರಿತಪಿಸಬೇಡಿ! )