ನಗಾರಿ ಸದ್ದು ಮಾಡಲು ತೊಡಗಿದ್ದು ಅದಕ್ಕೇ!

31 ಜನ

‘ಸೀರಿಯಸ್ಲೀ ಸೀರಿಯಸ್’. ತಾವು ಹೇಳುವುದೆಲ್ಲವನ್ನೂ ಜನ ತುಂಬಾ ಲೈಟ್ ಆಗಿ ತೆಗೆದುಕೊಳ್ಳಬಾರದು ಎಂಬ ಎಚ್ಚರಿಕೆಯಲ್ಲಿ ಸಾಮ್ರಾಟರು ಕೊಂಚ ಗಂಭೀರವಾಗಿ ಆದರೆ ಎಲ್ಲೂ ‘ನಗೆ ರಹಿತ’ವಾಗದಂತೆ ಹಾಸ್ಯದ ಬಗೆಗಿನ ಚಿಂತನಯೋಗ್ಯ ಸಂಗತಿಗಳನ್ನು ಇಲ್ಲಿ ನಿವೇದಿಸಿಕೊಳ್ಳುತ್ತಾರೆ.

(‘ಸೀರಿಯಸ್ಲೀ ಸೀರಿಯಸ್’ ಸಂಪಾದಕೀಯ)

ಇಂತಹ ಒಂದು ಪ್ರಯತ್ನವನ್ನು ಮಾಡಬೇಕು ಎಂದು ನಿಶ್ಚಯಿಸಿದಾಗಲೆಲ್ಲಾ ನನ್ನೆದುರು ಎದ್ದು ನಿಲ್ಲುತ್ತಿದ್ದ ಪ್ರಶ್ನೆ -ಹಾಸ್ಯಕ್ಕೆ ಅಂತಲೇ ಒಂದು ಬ್ಲಾಗು ತೆರೆಯಬೇಕೆ? ಹಾಸ್ಯವನ್ನು ಅಷ್ಟು ಪ್ರಾಮುಖ್ಯತೆಯಿಂದ ಕಾಣುವ ಮನಸ್ಥಿತಿ ನಮ್ಮ ಜನರಿಗಿದೆಯೇ- ಎಂಬ ಸಂಶಯ ನನ್ನನ್ನು ಕೊಂಚ ಕಾಲದವರೆಗೆ ಈ ಪ್ರಯತ್ನಕ್ಕೆ ಕೈ ಹಾಕದಿರುವಂತೆ ತಡೆಯಿತು. ಕ್ರಮೇಣ ಹಾಸ್ಯಕ್ಕೆ ಜನ ಅಷ್ಟು ಬೆಲೆ ಕೊಡುತ್ತಾರೆಯೇ ಎಂಬ ಪ್ರಶ್ನೆ ಮರೆಯಾಗುತ್ತಾ, ಜನರು ಬೆಲೆ ಕೊಡುವ ಮೌಲ್ಯದ ಹಾಸ್ಯವನ್ನು ನಾವು ಒದಗಿಸುತ್ತಿದ್ದೇವೆಯೇ ಎಂಬ ಪ್ರಶ್ನೆ ಎದ್ದು ನಿಂತಿತು. ಅವರು ಮಾಡಿಲ್ಲ, ಇವರು ಮಾಡುತ್ತಿಲ್ಲ, ಇನ್ನೊಬ್ಬರ್ಯಾರೋ ಮಾಡಬಹುದಲ್ಲ ಎಂದು ಜಾರಿಕೊಳ್ಳುವುದಕ್ಕಿಂತ ನಾನೇ ಏಕೆ ಒಂದು try ಕೊಡಬಾರದು ಎಂದುಕೊಂಡು ‘ನಗೆ ನಗಾರಿ ಡಾಟ್ ಕಾಮ್’ ತೆರೆದೆ.

ಈಗ ಎಲ್ಲಾ ಹಾಳಾಗಿದೆ, ಹಾಸ್ಯ ಎಂಬ ಮನುಷ್ಯನ ಮಾನಸಿಕ ವಲಯದ ಅತಿ ಮುಖ್ಯವಾದ ಭಾವ ಈಗ ಕೇವಲ ವ್ಯಾಪಾರಿ ತಂತ್ರವಾಗಿಬಿಟ್ಟಿದೆ. ಹಾಸ್ಯ ಪ್ರವೃತ್ತಿಯವರು ಕೇವಲ ಜೋಕರ್‌(ಹಾಗೆಂದರೆ ಜೋಕರ್‍ಗಳು ಕೀಳು ಅಂತಲ್ಲ) ಗಳಾಗುತ್ತಿದ್ದಾರೆ. ಜನ ಈ ಜೋಕರ್‌ಗಳು ಹೇಳುವುದನ್ನು ಕೇಳಿ ಬಿದ್ದು ಬಿದ್ದು ನಗುತ್ತಾರೆ, ಉರುಳಾಡಿ ಹೊರಳಾಡಿ ನಗುತ್ತಾರೆ ಕಾರ್ಯಕ್ರಮ ಮುಗಿದು ಎದ್ದು ಹೋಗುವಾಗ ಆತ ಹೇಳ ಬಯಸಿದ ಸಂಗತಿಗಳನ್ನು ಗ್ರಹಿಸದೆ ಹೊರಟುಬಿಡುತ್ತಾರೆ.ಹಾಗಂತ ಸಂಪೂರ್ಣವಾದ ತಪ್ಪನ್ನು ಜನರ ಮೇಲೆ ಹೊರಿಸುವಂತಿಲ್ಲ. ಹಾಸ್ಯವನ್ನು ಗುತ್ತಿಗೆಗೆ ತೆಗೆದುಕೊಂಡವರಂತಾಡುವ ವಿದೂಷಕರೂ ಸಹ ತಮ್ಮ ಕೆಲಸ ಕೇವಲ ನೂರು ಮಂದಿಯ ಬಾಯಿಗಳನ್ನು ತೆರೆಸಿ ಹಲ್ಲು, ನಾಲಿಗೆ, ವಸಡುಗಳುಗೆ ಗಾಳಿ ಬೆಳಕು ಕಾಣಿಸುವುದು ಎಂದು ಭಾವಿಸಿರುತ್ತಾರೆ. ಸ್ಟೇಜಿನ ಮೇಲೆ ನಿಂತು ಗಂಟೆ ಗಟ್ಟಲೆ ಕಂಡಕಂಡಲ್ಲಿ ಹೆಕ್ಕಿತಂದ ಜೋಕುಗಳನ್ನು ಒಂದರ ಹಿಂದೆ ಒಂದರಂತೆ ಸಿಡಿಸಬಲ್ಲ ಹಾಸ್ಯಗಾರರು ಯಾಕೆ ಆರೋಗ್ಯಕರವಾದ, ಸೃಜನಶೀಲವಾದ ವಿನೋದ ಸಾಹಿತ್ಯವನ್ನು ಸೃಷ್ಠಿಸುವಲ್ಲಿ ಸೋಲುತ್ತಿದ್ದಾರೆ?

ಒಂದು ವಿಷಯವನ್ನು ಲೇಖಕ ಅಥವಾ ಕಲಾವಿದ ಓದುಗರಿಗೆ, ವೀಕ್ಷಕರಿಗೆ ಹೇಳಬಯಸುವಾಗ ಎರಡು ರೀತಿಯ ಅಪಾಯಗಳನ್ನು ಎದುರಿಸಬೇಕಾಗುತ್ತದೆ. ಆತ ತಾನು ಹೇಳಬಯಸುವ ಸಂಗತಿಯನ್ನು ತುಂಬಾ ಸಂಕೀರ್ಣವಾಗಿ ಹೇಳಿದರೆ ಜನರಿಗೆ ಅರ್ಥವಾಗುವುದೇ ಇಲ್ಲ. ಅಲ್ಲಿ ಆತ ಸೋಲುತ್ತಾನೆ. ಇಲ್ಲ ತುಂಬಾ ಸರಳಗೊಳಿಸಿ ಹೇಳಿದರೆ ಜನ ಅದನ್ನು ಗಂಭೀರವಾಗಿ ತೆಗೆದುಕೊಳ್ಳುವುದೇ ಇಲ್ಲ. ಇಲ್ಲೂ ಕಲಾವಿದ ಅಥವಾ ಲೇಖಕ ಸೋಲುತ್ತಾನೆ. ತುಂಬು ಗಾಂಭೀರ್ಯತೆಯ ಶೈಲಿಯಲ್ಲಿ ಅಭಿವ್ಯಕ್ತಿಗೊಳ್ಳುವ ಸತ್ಯಗಳು ಜನರನ್ನು ಆಕರ್ಷಿಸುವುದೇ ಇಲ್ಲ. ಅದನ್ನು ಓದಬೇಕು ಎಂಬ ಕುತೂಹಲ, ಆಕರ್ಷಣೆ ಓದುಗರಿಗೆ ಬೆಳೆಯುವುದೇ ಇಲ್ಲ. ಇನ್ನು ಹೆಚ್ಚು ಸರಳೀಕರಿಸಿ ಹೇಳಲು ಹೊರಟರೆ ಜನರಿಗೆ ಇದರಲ್ಲಿ ಏನೋ ತಿಳಿಯುವುದಿದೆ ಎಂಬ ಭಾವವೇ ಹುಟ್ಟುವುದಿಲ್ಲ. ಈ ಎರಡೂ ಅಪಾಯಗಳಿಂದ ಪಾರಾಗುವ ವಿಧಾನವೆಂದರೆ, ನವಿರಾದ ಹಾಸ್ಯದ ದಾರಿಯನ್ನು ಹಿಡಿಯುವುದು!

ತೀವ್ರವಾದ ರೋಗಕ್ಕೆ ತುಂಬಾ ಶಕ್ತಿಶಾಲಿಯಾದ, ಪರಿಣಾಮಕಾರಿಯಾದ ಮಾತ್ರೆಗಳನ್ನು ಕೊಟ್ಟ ಡಾಕ್ಟರ್ ಅವನ್ನು ಹಾಲಿನೊಂದಿಗೆ ಸೇವಿಸಿ ಅಂತ ಹೇಳುತ್ತಾರೆ. ಮಾತ್ರೆಯ ಪರಿಣಾಮ ರೋಗದ ಮೇಲೆ ಆಗಬೇಕು, ಆದರೆ ಅದರ ಕಾವು, ಝಳ ದೇಹವನ್ನು ತಟ್ಟಬಾರದು ಎಂಬುದು ಅದರ ಉದ್ದೇಶ. ಹಾಸ್ಯವೂ ಹಾಲಿನ ಹಾಗೆಯೇ. ಸಮಾಜದ ಸಮಸ್ಯೆಗಳಿಗೆ, ವ್ಯಕ್ತಿತ್ವದ ಓರೆಕೋರೆಗಳಿಗೆ ಪರಿಣಾಮಕಾರಿಯಾದ, ಶಕ್ತಿಶಾಲಿಯಾದ ಸತ್ಯವನ್ನು ಹಾಸ್ಯದಲ್ಲಿ ಬೆರೆಸಿ ಕೊಟ್ಟರೆ ಅತ್ತ ರೋಗಕ್ಕೆ ತಕ್ಕ ಮದ್ದೂ ಆದ ಹಾಗಾಗುತ್ತದೆ, ಇತ್ತ ದೇಹಕ್ಕೆ ಆ ಆಂದೋಲನದ ಕಾವೂ ತಟ್ಟುವುದಿಲ್ಲ. ಹಾಸ್ಯವೆಂಬ ಮಾಧ್ಯಮದ ಗಮ್ಮತ್ತೇ ಅಂಥದ್ದು!

ಈ ನಿಟ್ಟಿನಲ್ಲಿ ಹಾಸ್ಯವನ್ನು ಟಿ.ವಿ ಚಾನೆಲ್ಲುಗಳ ದಿನಗೂಲಿ ಜೋಕರ್‌ಗಳ ಹಳಸಲು ಜೋಕುಗಳಿಂದ, ದಿನ ಪತ್ರಿಕೆಗಳ ಸ್ಥಳ ತುಂಬಿಸುವ ನಗೆ ಹನಿಗಳಿಂದ, ವಾರಪತ್ರಿಕೆಗಳ ಅನಿವಾರ್ಯ ‘ಹಾಸ್ಯ ಲೇಖನ’ಗಳಿಂದ, ಸಿನೆಮಾಗಳ ಆಟಕ್ಕುಂಟು ಲೆಕ್ಕಕ್ಕಿಲ್ಲವೆನ್ನುವ ಸಂಪ್ರದಾಯದಿಂದ ಮುಕ್ತಗೊಳಿಸಿ ಹೊಸ ಹೊಳಪು ಕೊಟ್ಟು ಅದರ ಹೊಸ ಸಾಧ್ಯತೆಗಳನ್ನು, ಹೊಸ ಆಯಾಮಗಳನ್ನು ಅನ್ವೇಷಿಸುವುದಕ್ಕಾಗಿಯೇ ಈ ಪ್ರಯತ್ನ. ಅದಕ್ಕಾಗಿಯೇ ನಗೆಯ ನಗಾರಿ ಸದ್ದು ಮಾಡಲು ಆರಂಭಿಸಿದ್ದು!

ನಿಮ್ಮ ಪ್ರೀತಿಯ,

ನಗೆ ಸಾಮ್ರಾಟ್


Technorati : , , , , ,

One Response to “ನಗಾರಿ ಸದ್ದು ಮಾಡಲು ತೊಡಗಿದ್ದು ಅದಕ್ಕೇ!”

  1. Soory Hardalli ಮೇ 7, 2013 at 2:25 ಅಪರಾಹ್ನ #

    Dear editor,

    Those days, when Beechi or Kailasam were writing books and articles, people were taking the literatures humourously. But those days are over now. Writing anything having a cast or relegian related names will create fume among the readers. Accordingly leading newspapers or periodicles have stopped publishing comedy articles. So called famous wrinters have eighter stopped writing humour or shifted for stories. Result: no support and we do not find quality articles in future. Whatever the electronic media or films shows would be consider as the laughing stuff. Very sad.

ನಿಮ್ಮದೊಂದು ಉತ್ತರ

Fill in your details below or click an icon to log in:

WordPress.com Logo

You are commenting using your WordPress.com account. Log Out /  ಬದಲಿಸಿ )

Google photo

You are commenting using your Google account. Log Out /  ಬದಲಿಸಿ )

Twitter picture

You are commenting using your Twitter account. Log Out /  ಬದಲಿಸಿ )

Facebook photo

You are commenting using your Facebook account. Log Out /  ಬದಲಿಸಿ )

Connecting to %s

%d bloggers like this: